શરૂઆત કરી દે

એક એક પળ જીવવાની શરુઆત કરી દે
પ્રેમ આપવા -લેવાની રજૂઆત કરી દે
સુરત ની પરવા ન કર
વિચારો ની આપ -લે કરી દે
છોડી ને પરવા જગતની
ખુદની પહેલાં ઓળખાણ કરી લે
લોકો શું કહેશે? નથી જાણવું
હિંમતના ખુદમાં ભંડાર ભરી દે
દીપાંજલી

કરી દેશે

આભમાં આવી ને તારા સવાર કરી દેશે 

તારા ને મારા સૂર આકાશ ભરી દેશે

આવ મળીએ  દોસ્ત આજ આપણે 

નજરને    આપણી અમી ભરી દેશે

થતો કોલાહલ ભલે ને આસપાસ 

પંખી ઓ પણ  ટહુકો કરીદેશે

જીવન ની  આરપાર ફરતી ગઝલ 

મારા મનમાં અજવાસ કરી દેશે

વ્યાપ્યા અહીં દુ:ખ_ દર્દ  બધે

દીપાંજલી  અમૃત ની પ્યાલી ધરી  દેશે

દીપાંજલી 

પીવા દે

પીવા દે મને

પીવા દે
જામ મને
નજરથી નજરના
થવા દે દોસ્તીનો અંજામ
સરેઆમ થાય
વહેંચણી બેયની સરખી
પલ્લાં ત્રાજવે તોલ
ખાતર પાણીનો ખેલ
મળે સાથેને
ફૂટે જમીન તળથી
એમ ઉગે
એક છોડ પર ગુલાબ
વિશ્વાસના વાવેતર કરી
એક ખૂણે ખટકે
ભલે કાયમ રહીને
પણ થવા દે પીડા
જલવા દે દીપક
વાટમાં દીવેલ છે
ખમીર છે
જમીર છે
હીર છે
પીવા દે ધીર છે
નાજુક નમણાં
મલશે પલપલ શમણાં
બે તીર છે.....

દીપાંજલિ શિંપી

Nathi malto

પુરાવો કોઈ પણ નક્કર નથી મળતો,
મળે છે નાગ પણ શંકર નથી મળતો.
પુરાવો કોઈ પણ નક્કર નથી મળતો,
મળે દંભી કૈંક સંસારમાં
સાચો કોઇ ફકીર નથી મળતો
પુરાવો કોઈ પણ નક્કર નથી મળતો,
દેખાય ચંદ્રમા આકાશમાં
નરી આંખે એનો પડછાયો નથી મળતો
પુરાવો કોઈ પણ નક્કર નથી મળતો,
પૂજાય મૂર્તિ, માણસો, જોગીઓ
શું  ક્યાંય પણ ઇશ્વર નથી
 મળતો
પુરાવો કોઈ પણ નક્કર નથી મળતો,
હસાવી દે, રડાવી દેખાય પળમાં
અહીં એવો માણસ નથી મળતો
દીપાંજલી  દર્દ ભર્યુ  જગતમાં
કરી દે દૂર સદાય એવું જાદુ નથી મળતો
Deepanjali

હાક લાગે

શબ્દો મારાધારદાર લાગે
લાગણી અસરદાર લાગે
શું આ જીવન તડકા છાયા નો ખેલ
ખિલાડી તિરદાંજ લાગે
શંતરંજની રમતમાં પાસા કેવાં પડે?
આ તો આવનારા સમયનો અંદાજ લાગે
તારા અભિમાનનો ચોલો   ઉતારી ફેંક
તારા અંતર નો અવાજ લાગે
મોહ-માયાથી અંજાઈ શું કામ?
દીપાંજલી  ઇશ્વરની આ હાક લાગે
દીપાબેન શિંપી

શાં કામનાં?

અંતર કાળા અને મુખડા ગોરા શા કામનાં?
મુખમાં રામ બગલમાં છુરી
 શા કામનાં?
આગળ સ્તુતિ પાછળ નિંદા
 શા કામનાં?
સ્વાર્થ ખાતર જીવન
 શા કામનાં?
પરસ્ત્રી પર નૈન
 શા કામનાં?
ધનના ઢગલા ને દાન નહિ
 શા કામનાં?
જૂઠનીતી જીભને ચોટી
સાચ ના દેખાતા
 શા કામનાં?
શરીર કાઠું ને આળસુ ના પીર
 શા કામનાં?
જીવન પશુસમ જીવે
નહિ લોકોનું  કલ્યાણ
 શા કામનાં?
દીપાંજલી અનેરી જગત ની રીત
જીવવાની   કેવી રીત મહોરા પહેરીને જીવવું
શા કામનાં?
દીપાબેન શિંપી

Shabdo

શબ્દો જ ગીત  શબ્દો જ સંગીત  શબ્દો જ વાદ શબ્દો   સંવાદ શબ્દો  જ મહિમા  શબ્દો  જ ગરિમા  શબ્દો  જ વેદના  શબ્દો  જ સંવેદના  શબ્દો  જ સૂર શબ્દો  જ નૂર  શબ્દો  જ લાગણી  શબ્દો  જ  માગણી  શબ્દો  જ પ્રેમ શબ્દો  જ વહેમ શબ્દો  જ  આકૃતિ  શબ્દો  જ  પ્રકૃતિ  શબ્દો  જ સુખ શબ્દો  જ દુ:ખ શબ્દો જ શબ્દોની હારમાળા  દીપાંજલી  શબ્દો માં જ સમાયા સપનાા મારા  દીપાબેન શિંપી 14/9/2016 (સ્વરચિત )